特首選戰進入最後大直路，候選人唐英年民望仍然低迷，同對手梁振英相差二十個百分點，睇怕都好難追。新民黨副主席田北辰尋日就話，如果中央要欽點人選，都無理由欽點個民望咁低嘅人，因為咁搞法只會激起市民憤怒，引發幾十萬人上街，到時對中央無咩好處。
田二少今次一語道破欽點之謎，實在好有勇氣，但最慘係唐唐唔明呢個道理，如果佢明，一早應該退選啦。
