特首論壇 限制現場拍攝
十一間電子傳媒尋日向文字媒體設下最新限制，就係聲稱基於場地所限，文字記者唔可以現場收睇論壇，只能係隔籬房睇直播，就連攝影記者都唔係全部可以喺現場拍攝，只能由一間做代表，影完分發畀其他文字媒體。
更加離譜嘅係，經過一輪諮詢後，除咗本集團之外，其他報紙都話不必抽籤搵代表，認為由一個攝影記者團體影咗發相就得嘞。
舊年國務院副總理李克強訪港期間，政府新聞處對傳媒處處設限，當時電子傳媒同文字媒體無一唔鬧爆夕陽政府嘅做法，反對由官媒發放採訪材料，但依家事過境遷，電子傳媒自己有得做就算，懶理同樣履行緊天職嘅文字媒體，咁同自打嘴巴有乜分別？