鄉事派數名選委，同特首選舉候選人梁振英競選辦公室成員喺流浮山舉行嘅飯局搞到滿城風雨。新界鄉議局主席劉皇發尋日畀人問到識唔識事件中嘅關鍵人物「上海仔」郭永鴻，發叔承認認識對方，又話四海之內皆兄弟，雙方都鍾意去半島酒店歎茶。真係抵發叔做鄉議局主席o架，如果無佢咁包容，鄉議局新大樓又點會得到四海兄弟捐錢吖，聞說上海仔都有捐錢o架。
