遏雙非港府冇心冇力
雙非孕婦湧港產子問題日益嚴重，但港府一直以「懶理」態度處理雙非問題，不願提請人大釋法，亦未推出有效行政措施。人大常委范徐麗泰批評港府「睇到（雙非孕婦產子）數字上升又唔做嘢」，已不再奢望曾蔭權政府能解決問題。范太等共三十名港區人大代表聯署建議，希望人大常委會解釋當年《基本法》立法原意，她強調今次並非要求人大釋法，因為釋法主導權從來在特區政府手上。另一港區人大譚惠珠就指，「唔可以永遠唔解決問題，將責任推畀廣東」，最佳方法是由人大講解當年釋法理據。
三十六名港區人大代表，合共有三十名聯署，包括行會成員鄭耀棠、查史美倫、工聯會黃國健及自由黨劉健儀。未有聯署的包括葉國謙、馬逢國、田北辰、陳智思、林順潮及羅范椒芬。部分人以不在北京為由拒絕聯署，而新民黨副主席田北辰更表明，不支持人大再度釋法，他建議由立法會議員提出私人條例草案處理。
說明原意並非釋法
有份聯署的范太強調，當年人大常委會已就吳嘉玲案釋法，故今次聯署是建議人大常委會就雙非問題進行法律解讀，並非釋法，「唔係你哋口中講嘅釋法，而係請常委會講清楚當年解釋係乜嘢。」她又指，已不期望本屆政府能解決問題，相信問題要留至下屆政府才得以解決。「特區政府認為乜都唔需要做，我哋都無辦法！」
范太又指，雙非問題的主導權在特區政府，但既然曾蔭權政府未有任何行動，「我作為香港人，見到有問題，又係人大常委，有責任向中央提出意見。」她不擔心這樣做會對政府司法制度造成挑戰，「我哋絕對唔係第二個權力中心，根本人大係無可能挑戰到特區政府！」范太補充今次只是聯署建議，並非聯署提案，後者級數較高，相信中央收到建議後，亦不會立即釋法。
「唔可以卸責廣東」
另一港區人大譚惠珠表示，現時雙非孕婦產子問題極度嚴重，由人大常委會再次解讀當年釋法條文，並非壞事。「現時做法同九九年人大釋法嘅內容不盡一致，其實可以講係違反《基本法》」。譚惠珠表示，要尊重司法程序，所以應由終審法院提請人大釋法，而人大只作建議。「唔可以永遠唔解決問題，將責任推畀廣東，香港人自己嘅事，無可能要廣東人根治。」
雙非孕婦湧港產子日趨嚴重，近日有聲音要求港府再次尋求人大釋法。律政司司長黃仁龍昨首次開腔回應，指法院當年審理莊豐源案時已就《基本法》條文作詮釋，立法會應按判決修訂法例，強調不可輕率釋法。食物及衞生局局長周一嶽則重申明年私家醫院內地孕婦名額必須減少，期望下月有最終定案。