中環出更：梁君彥 施榮忻 單拖逛超市
行超市唔淨止係女士們嘅專利，原來唔少政商界嘅男士都鍾意忙裏偷閒逛吓超市。卓妮早幾日分別見到經濟動力立法會議員梁君彥（Andrew）同百仁基金主席施榮忻（Jaime）現身中環，佢哋兩個不約而同走入超市周圍逛，仲拎起啲貨品左望右望，十足住家男人咁款。
早前有日下晝，卓妮見Andrew一支公現身太子大廈，一手拎住部平板電腦，一手插住褲袋咁行。佢經過家品店嘅時候，企喺櫥窗望吓，之後又行入超市閒逛，逐件貨品拎起研究，但到最後都係冇買嘢就離開。到上周五下晝，卓妮又遇到Jaime獨自出現喺ifc間citysuper閒逛，睇完麵包又望吓啲服裝。
齋睇冇斬獲
十五分鐘嘅時光話咁快就過，Jaime最後又係空手而回，登上七人座駕離開。其實Jaime都係半個住家男人，而且對飲食好有研究，平時好鍾意同太太喺屋企整嘢食，一家幾口樂也融融。
卓妮