三個月前，Jessie與一般營營役役的打工仔無異，善事只限於捐錢支持籌款活動，直至遇上一班志同道合的朋友，傾談之下，萌生行善的念頭，「當時大家都係想做啲貢獻，透過個人小小付出，去營造互相關愛嘅世界。」創造大同，由微細處開始，他們先是定期到老人院探訪長者，再到慈善機構登記做義工，當大家慢慢培養出無償奉獻的精神時，就有人提議「搞大佢」，籌辦帶長者外遊活動。

由支持別人的慈善活動到自己落手落腳籌備，Jessie才發現困難重重，她憶述：「所有嘢由零開始，去邊？要幾多人幫手？經費等等，都要一一考慮，仲要聯絡老人院，得到佢哋信任。」十四人各有要職，抽空開會並不容易，若非有心，相信活動難以成事。

Jessie

長者的歡顏足證義工們的努力沒有白費。

鎖定長者為服務對象，大家就開始為活動「腦震盪」，「大家都贊成去歷史博物館，可以畀公公婆婆緬懷過去。」概念雖好，卻非長者「杯茶」，原來長期待在老人院的長者，最希望到戶外走走，親親大自然，他們即時轉移陣地至淺水灣，「其實真係要多啲傾聽長者需要，佢哋嘅要求原來好簡單！」

伯伯進食途中突然抽搐倒地，義工們即衝上前協助。

Jessie（中）身兼搞手、義工、籌款員，落手落腳參與活動。

帶長者郊遊食盆菜

正當一切準備就緒，活動前兩日，天文台卻預告冷鋒襲港，老人院方擔心天氣冷易引發長者氣管不適，地點一改再改，「真係好緊張，時間又迫切，好難先搵到地方。」最後改到元朗郊遊兼食盆菜，看見長者圍着熱騰騰的盆菜，展露滿足的歡顏，Jessie與友人頓感鬆一口氣。

最令Jessie有感而發的，是以生命影響生命的感動，「趁依家有能力、有福分，就要去幫人，我諗呢個係人嘅價值。」雖然暫時未計劃下一次的活動，但她堅定地說﹕「我肯定今次唔係最後一次，而係剛剛開始！」

圖﹕張琦／文﹕龔蕙芝