路邊欄杆撞毀路署唔知
路邊欄杆被撞毀多時，路政署竟「唔踢唔郁」懶修繕！朱太不時出入沙田圍崗背街，發現屋苑對出行人路欄杆被撞得「不似欄形」，惟路政署一直未有派員維修，不滿有關部門處事被動。「成日都要市民投訴先識做嘢，點解政府部門唔可以積極啲？」朱太指路政署應有例行巡查，不滿對上述損毀鐵欄視而不見。
「維修轄下設施係路政署嘅責任，點解要人提先識處理？」沙田區區議員李子榮直斥路政署未有認真處理道路維修，促檢討工作態度。
路政署發言人表示，今年一月巡查上述路段時，曾發現有欄杆損毀，已即時指示承建商派員實地巡查，並於一月十四日完成。接獲本報查詢後再派員查察，發現上述欄杆撞毀，已於日前完成維修。