政情：唐宅變射擊遊戲戰場
特首候選人唐英年位於九龍塘約道嘅僭建大宅變成戰場！近日有人喺討論區發起號召，盼有心人能協力將唐家大宅繪畫成三維立體圖像，並掛載於一個熱門在線射擊對戰遊戲中，使唐宅搖身一變成為戰場。有人將故事模式定為營救遭恐怖分子挾持喺僭建地牢嘅「唐狗」，昨日有關地圖已見雛形，玩家可在地牢自由走動，更可更換武器，喺唐宅內展開廝殺。
有熱心網民經過連日努力，根據傳媒披露嘅唐宅圖則，用專業繪圖軟件繪畫成三維立體圖像，可掛載於在線射擊對戰遊戲中，使唐宅頓變戰場。網民喺遊戲內揀選角色，並喺唐宅內肆無忌憚地「橫行」。近日有網民將其作品初稿上載互聯網，即引起熱議，當作戰地圖一經完成，即可立即試玩，有人更提議加添趣味，如當用槍射爆泳池天窗時會水浸等。