政情:《東方》獨家猛料孫太讚好犀利

《東方日報》及《太陽報》連日獨家揭露煲呔曾到澳門同三山五嶽人士出席賭場春茗,又上富豪過億元遊艇過夜盡興,結果引來社會極大回響,質疑有官商勾結之嫌。我哋發現,原來身為官太嘅教育局局長孫名揚太太鍾小芬都有追看本報連日嘅獨家新聞,仲好關注事態發展添,佢對於本報揭露官場醜陋嘅陰暗面,都大讚好犀利。

「你哋拍得曾蔭權好清楚」

我哋尋日下午途經中環太子大廈一間珠寶店外,遇到孫太喺入面「打躉」,問起曾患退伍軍人症嘅孫公近況,孫太露出笑容,除咗感恩話老公康復理想外,仲主動提及煲呔曾被踢爆喺濠江歎世界嘅大醜聞。

孫太話,當友人睇見本報嘅獨家報道之後,即時致電「報料」,孫太於是馬上到本報嘅新聞網站搜查有關片段,大讚話:「你哋拍得佢(曾蔭權)好清楚,咁都影到,好犀利!」

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報