探射燈：網男自卑心作祟 鬥晒性經驗
少女以大學生身份自居來抬高身價，男子又在完事後於網上發表「賽後報告」，究竟是炫耀還是自卑？心理學家分析，所有行為都與自尊心有關。
大學生招徠感覺矜貴
以前男人召妓會有所忌諱，不會四處張揚，但現時流行將召妓後的「心得」於網上發表，做法匪夷所思，「都係為咗吹噓自己有幾多性經驗、性伴侶。」臨床心理學家葉妙妍指，互聯網可隱藏身份，令男子更肆無忌憚發表「賽後報告」，而且愈多人瀏覽，就愈增加作者的自信，「會覺得連呢樣嘢都係援交得到樂趣嘅一部分。」
至於女生以「交學費」、「還學生貸款」來作為援交的原因，葉認為理由僅屬「自己呃自己」，「好多女仔明知自己做嘅嘢唔啱，就會講啲身不由己嘅理由欺騙自己，彌補受傷嘅自尊。」而自稱為大學生，可能是迎合男性心理，令人覺得較矜貴。