特首參選人唐英年因為隱瞞大宅僭建而誠信破產，正當各方勸佢退選之際，突然有人彈出話要參選。繼新民黨主席葉劉淑儀話考慮參選後，民建聯立法會主席曾鈺成尋日又忽然話認真考慮參選特首，莫非想冷手執個熱煎堆？已成為特首候選人嘅民主黨何俊仁就批評，如果有心服務香港嘅，點解唔早啲出來爭取支持呢？等到依家唐唐有危機先至出嚟，完全係想爭取欽點，佢尤其不齒喎！
