中環出更：史顏景蓮牛一 老公贈名錶美鑽
卓妮日前喺一個活動上，見到仁愛堂前主席史立德太太史顏景蓮手戴名錶及鑽石戒指，原來係史生送畀太太嘅生日禮物，雖說送禮物講心唔講金，但呢套首飾閃令令，史太當然冧到暈今日歎燭光晚餐。
今日擦燭光晚餐
史太話今年情人節會同老公撐枱腳歎燭光晚餐，至於想收到乜嘢禮物，佢話仲未知，但係老公年年都會送禮物，相信今年都唔會例外。講講吓，佢一邊甜笑，一邊畀卓妮睇佢手上嘅Chanel花形18K白金鑲鑽腕錶同大大粒嘅鑽石戒指，非常搶眼。原來史太剛剛過咗生日，老公好識做咁送上名錶做生日禮物，氹得史太心花怒放。至於鑽石戒指，雖然史太冇講，但從佢甜到漏嘅笑容中估計，都係出自史生嘅手筆。史太長期沐浴於愛情滋潤之中，唔怪得成日都keep住咁容光煥發啦！
