趕任期前實施
消息人士指出，原來內地有關當局亦未就「自駕遊」計劃做好準備，有關法規同配套仲未完全搞掂，佢哋都好擔心啲香港司機同汽車，會因為喺內地唔熟路而出事，但由於煲呔曾只剩低五個多月任期，一向只顧攞威、唔理市民死活嘅佢，好想喺下台前搞掂呢單「功績」，因此先至倉卒趕喺下月實施，認真無良。
查實中港兩地「自駕遊」嘅概念前前後後已經傾咗近十年，由最初為咗方便香港人北上返工同做生意，到依家「反客為主」，助長啲內地人來港掃奶粉、掃豪宅同闖關生仔，「自駕遊」已經變晒質同冇晒迫切性。
希望煲呔曾真係做吓好心、積吓陰德終止計劃，唔好臨收工都留個計時「核彈」畀香港人喇！