「講嘢唔經大腦」
話說麥浩宇追趕走後門嘅陳新滋，要求陳停喺度接信同聽學生意見，顯示校方正視師生嘅訴求，點知陳校長發晦氣回應一句：「你係為咗遞信定係『博上鏡』？有咩就快啲交畀我！」最後陳校長邊行邊接過請願信，但就拒絕同麥浩宇對話。陳校長喺風頭火勢仲火上加油，搞到學生群情洶湧，齊齊喺社交網站facebook炮轟佢講嘢唔經大腦兼侮辱學生。
不過，亦有當時在場嘅人話要講句公道說話，指麥浩宇追到校長嗰陣，由於大部分記者仲喺後面，麥浩宇亦無即時遞信，可能因為咁令陳校長覺得佢「博上鏡」囉。其實博上鏡有乜問題呢？只有怕「醜」先至怕上鏡嘅啫！