夕陽政府最後一份財政預算案幫唔到啲N無人士，被各界狂鬧之餘，仲有N無單親媽媽打電話去電台哭訴自己嘅慘況。勞工及福利局局長張建宗尋日就為預算案護航，死撐政府好關心N無人士，仲搞笑到叫個單親媽媽去申請鼓勵就業交通津貼添！呢個單親媽媽批評嘅係預算案，依家張建宗叫人去申請交通津貼，確係九唔搭八。不過，張建宗都有優勝之處，就係識得安撫市民情緒。
