作為商家嘅田北辰（田二少）初初加入新民黨時，大家都唔睇好，覺得佢會同主席葉劉淑儀因意見不合而嗌交收場，點知到依家差唔多一年，兩人都相安無事。田二少尋日話，其實理念相同好難有交嗌，但如果理念唔同，幾多年感情都無用，簡直道出佢當年同自由黨「分手」嘅原因。不過，友誼嘅最大敵人叫「利益」，如果田二少入到立法會後，同葉劉都冇交嗌嘅話，可能更令人信服。
