中環出更:陳細潔品酒如墮愛河

品酒,唔再係男人專利,好似人稱「鯊魚女」嘅保良局總理陳細潔(Abbie),味蕾比男人更銳利。Abbie幾年前玩票式寫酒評,粉絲都唔少,佢視紅酒如美男,點滴是甘露,不時相約美女朋友齊品酒,推動女士品酒文化。

Abbie酒齡好深,九歲就跟爸爸學嘢,女兒有酒量傍身,做爸爸嘅都安心好多。自此,Abbie愛聞酒香,比香水更甚。品酒廿年,嘗過極品,經歷百變口味,也曾愛上飲「老酒」,每晚唔飲番兩杯總覺有缺失。

為豐富紅酒知識,Abbie走去法國拜師上品酒課,又穿梭大小酒莊、出席各大品酒會,刻意讓味蕾變得功力深厚。尋尋覓覓,佢發現最愛還是1983年法國佳釀Chateau Lafleur,入口滿滿嘅濃醇花香,令人如沐春風,像墮入愛河嘅青春少艾。現時Abbie嘅存貨仲有一打,特別日子先至捨得一飲而快。

熟悉卻猜不透

Abbie好鍾意用品酒去比喻男士,似熟悉,卻又猜不透。佢話揀男友,有冇錢都唔緊要,但滴酒不沾者,一定無機會囉。Abbie家中嘅酒窖,收藏逾千支名酒,她期待遇到人生嘅Mr.Right,陪佢把酒傾心事。

卓妮

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!