據稱，新法書院創辦人王氏家族旗下嘅公司，近日再向城市規劃委員會申請將學校清拆，重建為一幢有兩層地庫嘅十層高運動訓練中心連住宅大廈，提供十八個豪宅單位，有關申請料過關機會甚大。
「新法」全盛時期有四間分校，其女生水手校服，曾係學界經典。城中唔少名人都喺「新法」度過那些年歲月，當中包括前商務及經濟發展局局長馬時亨、玩具大王蔡志明及立法會議員詹培忠等。
近期喺電視劇《天與地》中以「The city is dying」引為城中熱話嘅藝人Joe Junior，亦係該校舊生，如今「新法」就真係步向dying喇。