陸續有政黨表態提名心儀嘅特首參選人，手握六票特首選委票嘅新民黨主席葉劉淑儀尋日亦大鑼大鼓表明，該黨只會幫唔夠百五個提名嘅參選人，仲話參選人梁振英（CY）已取得足夠提名票，唔使該黨啲提名票喎。此話一出，嚇到CY立即出來否認自己攞夠提名，強調每一票都要爭取。話時話，有票喺手自然吊高嚟賣，莫非葉太要特首參選人向自己拜票，會覺得矜貴啲？
