賽馬會普通科門診診所一籌難求，病人被迫前往急症室輪候！林先生早前擬透過電話系統預約將軍澳賽馬會普通科門診診所診期，「我係諗住排第二日嘅籌，但由朝打到晚都未攞到張籌，結果被迫去睇急症，排咗三個幾鐘頭不特止，仲要冇藥拎！」
醫管局發言人解釋，倘廿四小時內的電話預約已滿額，電話系統即會通知病人門診診所已經額滿，需稍後再致電預約，假如有關診所的預約已告滿額，電腦會則自動搜尋其他就近診所籌額，供病人考慮，又聲稱約百分之九十五的病人均能成功透過此系統預約兩個工作天的診期。
不過，林先生仍不滿醫管局的答覆，直指系統「有問題」，「佢淨係畀我輪西貢嗰間，冇籌就要由將軍澳排到西貢，咁咪分分鐘要過埋海？」