建材店阻街食署縱容
灣仔廈門街長期被「私有化」，食物環境衞生署被指「隻眼開隻眼閉」，變相縱容違規行為！灣仔居民劉先生（化名）指出，上址行人路長期有建材店擺放大量木材，行車路更變成工場，大型切割機器每日公然露天操作，「簡直就變成工場咁，日日都喺馬路上鋸木鋸鐵，搞到啲木屑同鐵碎周圍飛，條街仲有幾間食肆，都唔知啲食客會唔會食埋啲碎屑落肚！」
對於被指上址長期有建材公司阻路但部門未能根治一事，食環署發言人未有正面回應，只稱接獲本報轉介後已派員巡查，發現有店舖在行人路擺放物品，即時向有關負責人發出兩宗檢控，並警告店舖負責人切勿再犯。發言人又說，食環署已將上址店舖佔用馬路擺放材料及切割機之情況轉介相關部門跟進。
「唔單止啲建材阻街，佢哋上落貨啲車都成日塞住條街。」劉先生促政府部門正視廈門街情況，不能再以「隻眼開隻眼閉」態度處之。