政情：鍾庭耀再寸爆郝鐵川
港大民意研究計劃總監鍾庭耀尋日接受立法會議員劉慧卿訪問時，再度開腔寸爆中聯辦宣傳文體部部長郝鐵川，話郝可能唔係太熟悉社會學研究背景，又話其實身份認同研究喺廿年前已經有學者做，好似中央政策組顧問劉兆佳八十年代已經做緊；至於嚟緊三月計劃做嘅全民投票選特首，亦係佢喺廿年前已經開始構想，希望完成心願。
鍾庭耀話，唔介意有人話佢嘅研究唔科學，大家仲可以拎出嚟一齊討論下添，不過一啲無中生有嘅輿論，一啲「莫須有」罪名，好傷害佢作為中國人嘅感情，亦令佢不得不發聲明澄清。佢仲話，其實今次事件同當年特首辦特別助理路祥安叫停港大民調相比，只係小巫見大巫，事關嗰次聆訊花咗兩個月，而今次爭議都只係搞咗兩個星期啫。