新一份財政預算案發表在即，一向有孤寒財主守財奴之稱嘅財政司司長曾俊華，雖然繼續坐擁巨額儲備，不過尋日就發表網誌，話香港一直嚴守量入為出嘅財政紀律，所以先可以有一定數額嘅儲備。哈，咁就奇怪喇，如果真係咁有紀律，咁點解呢個鬍鬚曾舊年搞出個史上最廢財政預算後，就突然亂咁向全港市民派錢呢？點都好啦，鬍鬚曾呢篇網誌，無非係叫大家唔好有咁大期望，佢唔會大動作切實解決香港民生問題之嘛。
