特首參選人唐英年出任政務司司長時發表嘅「車毀人亡」論，成為去年本港金句，連考評局都將唐唐當日嘅致詞內容，當做通識課程模範試卷發畀啲學生同教師參考。不過，考評局只係節錄咗唐唐批評青年人只講責任唔講權利、欠缺包容同唔識妥協等內容，最精彩嗰句「剛愎自用」同「車毀人亡」反而唔見咗。唔知考評局主席吳克儉係純粹擔心得罪人，定係有心美化唐唐嘅歪論呢？
