一輯攝下本港拾荒者身影的相片，觸動又啟發了董愛麗，亦促成了Food Angel的成立。相中白髮斑斑的老婆婆，彎低身，低着頭，默默地推着放滿紙皮的手推車，為的是甚麼？答案顯而易見，「咁辛苦，只係為兩餐。」曾擔任學校家長義工的她，眼見不少學童揀飲擇食，不知就裏地浪費食物，兩種生活猶如天與地，「我好想盡快做到啲實際嘢去幫到個婆婆」，於是便着手籌劃Food Angel。
除親自「拯救」食物，以助有需要人士解決兩餐，Food Angel亦將於今年走入學校，宣揚珍惜食物的訊息。董愛麗希望更多人知道眼前美食，絕非單以金錢換回來，而是耗費了不少人力物力及地球資源，藉以喚起他們從根源減少浪費，實踐環保，「亦想佢哋知道，喺大家眼中嘅富裕地方，仍然有人一星期先食一次肉，有小朋友無錢食早餐，呢啲都係喺香港真實發生緊嘅事。」