尋日下晝三點半，卓妮喺中環皇后大道中萬邦行對開，遇到正在因為助選而停職嘅市區重建局主席張震遠（Barry），見佢往上環方向急急腳咁行，好似好趕時間咁。佢行到去域多利皇后街附近，就跳咗上架寶馬準備離開。卓妮上前問佢去邊，佢話朝早唔小心跌咗副眼鏡，剛剛先去配過一副，依家趕住返公司。趕還趕，Barry臨走前都好有禮貌咁同卓妮揮手講拜拜。不過過馬路要小心，遲到好過冇到啊。
