新民黨主席葉劉淑儀評估過選委會形勢後決定棄選下屆特首，葉太唔做第一把手，會否重操故業入政府做第二把手，即政務司司長一職隨即成為政圈熱話，據聞兩名特首參選人唐英年同梁振英陣營嘅熱心朋友都探過葉太嘅口風，但結果被請食檸檬，因為葉太尋日同大家講到明自己唔係玩把戲，吊高嚟賣嘅人，又話新民黨嘅發展重要，而且有份推動民主建設，比住大屋、出高人工重要喎。唔夠票參選都講到咁飄飄然，真係服咗佢。
