政情：陳諾恒細個想做港督

Chandler話細個睇電視嗰陣覺得港督好有型，可以管治香港，出街又有成班記者圍住佢訪問，於是就同媽咪講話想做港督。點知陳媽媽即刻一盆冷水淋落Chandler度，話佢唔係英國人唔可以做港督，搞到佢都有啲失望。

對於參選區議員，Chandler話睇唔過眼有啲區議員淨係為咗交功課而做嘢，並唔係真心睇吓個社區需要啲乜。至於會唔會想喺政治舞台上更上一層樓，Chandler話現階段最緊要做好地區工作，有人會比自己更加適合做超級區議員。佢仲話，作為年輕人首要識得say no，唔係話高層壓落嚟就要吹雞埋位，要有自己嘅諗法。