身兼律師會會長嘅屯門鄉事委員會主席何君堯，喺今屆特首選委會選舉中認真唔好彩，只得六十一票，仲要同另一候選人抽籤定輸贏，點知冇運輸埋。曾被何君堯奪去屯門鄉事會主席之位嘅鄉議局主席發叔劉皇發，尋日就話六十一票唔算低，仲好戥呢個細姪唔抵添，事關何係人才，佢又識何家三代喎！問發叔呢個選舉結果係咪天意？佢話如果係天意就應該畀何君堯贏啦！
