市民劉先生日前於上水天平山村發現有農民以破爛國旗驅趕雀鳥（見圖），向警方投訴時並提供燈柱編號，警方卻以「燈柱好難搵」作藉口，拖延處理投訴。
燈柱編號可清楚標示所在位置，市民如在香港政府一站通網頁「地理資訊地圖」輸入燈柱號碼，便可獲準確地點，但警方竟然話「難搵」。劉說：「我之後再去番現場睇，見支爛國旗仲喺度，燈柱號碼都冇錯，咁係咪有警員偷懶？」
就警員聲稱無法找出燈柱編號一事，警方發言人未有正面回應，只承認曾接獲市民投訴有人懸掛破舊國旗，涉嫌違反《國旗及國徽條例》，但警方經調查後並未發現有關國旗，已向附近人士解釋有關條例之規定。此外，警方亦已聯絡劉先生解釋調查過程及結果。
劉先生認為，上述事件本屬小事一樁，然而警方卻拖延處理，「最後都要同掛旗嘅人交涉，點解一早唔肯處理，警察係執法者，點可以咁做嘢？」
