中環出更：籌款助地貧童 名人舉杯贊成

地中海貧血兒童基金上周五喺君悅酒店舉行籌款晚宴，今次係連續第四年與被喻為世界香檳王的KRUG合作，吸引好多慕名而來嘅名人善長共襄盛舉。基金主席鄭正訓成晚情緒好高漲，見到賓客入場就打趣問人有無帶錢嚟，逗得大家好開心。負責籌款晚宴嘅基金董事梅韋祖蒂（Judy）見到大家咁捧場，幾辛苦都值得喇！仲話明年底基金成立廿周年，將大搞籌款活動令善心人士多啲關注地貧兒童問題。
一眾基金靈魂人物與陳晴（右一）開心合影，左起名譽會長楊執庸、董事Judy同副主席蘇碧嫻。（徐家浩攝）
一眾基金靈魂人物與陳晴（右一）開心合影，左起名譽會長楊執庸、董事Judy同副主席蘇碧嫻。（徐家浩攝）

資助學者研究

當晚到場嘅嘉賓有聯合國兒童基金香港委員會主席陳晴、家計會執行總監范瑩孫夫婦、前聯交所主席鄭維健等人，同場仲有好多年輕人撐場，包括中華出入口商會會長莊成鑫囝囝莊德仁、Judy囝囝梅慶豐、度身定做香港名牌詩閣（Ascot Chang）第三代傳人張奕庭等，現場氣氛好熱鬧。陳晴話，大家都係謀求兒童福利嘅團體，將來可以諗吓點樣合作喎！

鄭正訓太太張永珍係城中知名富婆，鍾情收藏價值連城古玩，不過鄭正訓笑稱自己嘅收藏好小兒科，反而最鍾意飲酒，仲要日日飲日日醉先至過癮，笑稱家中擺滿各類靚酒，多到冇得行添！基金創會名譽會長楊執庸醫生話，基金成立之後，社會對地貧嘅認識加深咗，關注程度亦有提升，佢希望可以籌到更多善款，贊助專家學者進行研究同埋幫助病童。唔講唔知，香港原來有百分之八人口帶有地貧基因，所以婚前檢查好重要。

梅慶豐（中）同老友張奕庭（左）及從事金融業嘅表哥韋增鵬（右）齊來撐場。
  • 梅慶豐（中）同老友張奕庭（左）及從事金融業嘅表哥韋增鵬（右）齊來撐場。
鄭正訓（左）最鍾意飲酒，右為鄭維健。
  • 鄭正訓（左）最鍾意飲酒，右為鄭維健。
世界級香檳王KRUG，令城中名人掏腰包做善事更加豪爽。
  • 世界級香檳王KRUG，令城中名人掏腰包做善事更加豪爽。

卓妮

「Money18免費即秒股票報價網站」現推出8升級功能，財經資訊，實時實發！