四警蛇王上水歎豆腐花

又有警員被揭集體蛇王!四名警員日前駕駛警方電單車,前往上水一間位處偏僻的豆品廠歎豆腐花,被一名行山男子揭發,並用手機將過程拍下,男子欲離開時被警員要求「傾吓偈」,聲言「堂堂正正」及「依正手續」吃茶點,行山男要道歉才能甩身。警方證實四名警員隸屬警察駕駛及交通訓練科,按規定他們必須在警方建築物內休息及進食茶點,處方會進行紀律調查。

踢爆「蛇警」的市民劉先生表示,本周二(六日)下午獨自到上水河上鄉踏單車郊遊,期間經過快景路一家豆品廠門外,發現廠內空地停泊了四輛警方電單車,他以為有事發生,於是入內視察,發現四名警員坐下歎豆腐花,由於他亦有點肚餓,於是坐於鄰枱點了一碗豆腐花,「開緊工去到咁遠食豆腐花,唔通唔使做嘢?」他懷疑有人公然蛇王,於是取出手機拍攝。此時,一名警員突然走到劉身旁坐下,問他為何拍照,「佢問我咩事,又話自己啱啱訓練完,嚟食嘢係依正手續」,警員說完便返回座位與同袍繼續歎豆腐花。

市民被警圍 要道歉始甩身

劉吃完豆腐花離開時,認出其中一架警方電單車是最新型號,於是又拿出手機拍照留念,豈料三名警員與豆品廠老闆追出,質問劉為何拍照,「佢哋好緊張問我做咩影相,個老闆仲話班差人成日都嚟有咩咁出奇」。根據劉當時用手機拍下的片段,一把男聲對劉說,「你要尊重人,影相要通知聲」,劉自稱到該處爬山和拍照,問對方是否有得罪之處,男聲回答「無咩得罪,想同你傾吓偈啫,我哋係堂堂正正,唔係偷偷摸摸,大家要尊重,你影相通知聲,問吓可唔可以先影嘛」。最後劉道歉,「唔好意思、唔好意思」,並表示趕時間去爬山後匆匆離開。劉事後致電本報投訴,不滿警員公然蛇王,「如果係堂堂正正就唔會咁驚青啦!」

警方發言人回應表示,事件中的四名警員為警察駕駛及交通訓練科人員,他們只可在警察建築物內使用規定的休息時間及進食茶點,警方會就今次事件展開紀律調查。

「Money18免費即秒股票報價網站」現推出8升級功能,財經資訊,實時實發!