旅巴塞爆行車線 警遲執法
警方辦事不力，被指縱容旅遊巴堵塞行車線！張先生早前目擊銅鑼灣百德新街外有旅遊巴霸佔三條行車線，令交通幾近癱瘓，遂向警方舉報，結果要「催足三次」才有警員到場，不滿警方「歎慢板」拖延執法，「啲旅遊巴霸晒三條線，馬路唔係停車場，警方冇理由要催足三次，仲要拖成四、五個字先到場！」
警方發言人承認曾接獲有關投訴，強調已即時派交通督導員前往處理，並按「靈活執行交通法例政策」勸喻違例車輛離開。警員其後仍繼續於上址進行交通管理行動至交通回復暢順為止。
「警方只係驅趕啲旅遊巴就算，連牌都冇抄，係咪旅遊巴載啲旅客去消費就可以擾亂交通秩序？」張先生對警方的做法大感不滿，促當局正視有關問題，以保持交通暢通無阻。