水署懶整錶靠估濫收費
審計署剛公開炮轟水務署延誤更換水錶導致讀數失準，言猶在耳，即接連再有懷疑失誤事件曝光！有市民近日接獲巨額水費單，追查下始揭發水錶原來已失靈逾年，水務署明知事件，居然以「為免對市民造成不必要滋擾」而不作即時更換，令用戶被迫繳交巨額水費！學者與關注團體狠批水務署理據牽強並漠視用戶利益，促訂立機制防止類似問題再次發生。
自去年七月開始，居於深水埗的胡先生便連續五季接獲水務署「零元帳單」，以為用水量驟減而不以為然。直至日前竟接獲一張「千元帳單」，始獲悉水錶原來由○九年開始已告失靈，「我問佢嗰千幾蚊點計出嚟，個職員根本答唔到，仲反問我點解唔早啲打去問，點可以將責任賴落我度？」
收千元帳單才知情
無獨有偶，家居青衣的張先生亦有類似遭遇，「十月無啦啦收到九百幾蚊嘅水費單，水務署話懷疑個水錶壞咗，但又唔搵人去檢查，收水費就一味靠估！」張不滿水務署知悉水錶失靈八個月才通知用戶，令小市民無端要承擔壞錶責任。
水務署發言人解釋，為免對市民造成不必要滋擾，一般會利用較長時間觀察，以判斷用水量改變是否與水錶損壞有關，再採取相應行動。
上述兩客戶皆因用水量下降，及後更未有錄得用水量而證實水錶失靈。在二○一○至一一年度，水務署共接獲七千三百多宗有關水費單及水費的投訴，當中約三百六十多宗涉及壞錶。
民間監管公共事業聯委會發言人蔡耀昌則認為，更換損壞水錶屬水務署職責，而用戶被追收巨額水費事件則時有發生，反映水務署長期未有着手根治，令問題積存至今，對用戶有欠公平，「水錶壞咗水務署就去追市民水費，讀唔到嘅用量就靠估，唔理係人手定係行政問題，水務署都唔應該將責任推畀市民！」
議員轟欠一個交代
「有冇搞錯？咩叫做『為免對市民造成不必要滋擾』？水務署嘅責任就係整番好啲壞咗嘅水錶，幫市民服務冇理由話係打攪。」立法會議員張國柱認為，水務署知會市民水錶失靈並不構成滋擾，直指當局的解釋有欠穩妥，須還市民一個交代。
記者：黃芷君、伍思明