近期樓市回軟及有下挫趨勢，並有地產代理聲言要裁員，就喺呢個時候，正在南非外訪嘅鬍鬚曾就提早腳軟，話如果一旦本港樓價跌勢持續，當局就會放寬部分壓抑樓市措施。有關言論一出，運輸及房屋局局長鄭汝樺就喺香港接力，話有需要時會提早檢討額外印花稅喎。政府咁搞法等於細路仔玩氹氹轉兜返去原位，不但反映無決心打擊炒樓，更令想買樓嘅人無所適從，難怪立法會議員李永達（高達）狠批當局政策朝令夕改喇！
