政情：沈祖堯膺中國工程院院士

中文大學校長、腸胃研究權威沈祖堯（圖）榜上有名，當選為工程院嘅醫藥衞生學部院士，佢更係今次增選嘅五十四名新院士中，唯一來自香港嘅科學家，以表彰佢喺消化系統疾病領域作出嘅重大成就及貢獻。

中國工程院院士為最高榮譽兼終身榮譽，每兩年增選一次，由選舉產生，今次喺四百八十五名有效候選人中共增選咗五十四名新院士，分布於九個學部，其中沈祖堯就屬於醫藥衞生學部。目前連同沈祖堯在內，中大共有三位中國工程院院士、六位中國科學院院士、四位中國科學院外籍院士及八位中央研究院院士。