【本報訊】星島新聞集團主席何柱國召開記者會，公開批評特首候選人梁振英。梁振英陣營多位支持者替其不值，更表示何柱國動用新聞機器攻擊梁振英，動機及立場非常明顯。有學者更認為，何柱國的言論對特首選舉意義不大，只會令特首選舉沉淪化。
前工業界立法會議員呂明華表示，《星島》集團連日來「又用報紙、又用周刊，大字標題報道梁振英負面消息」，絕對有針對梁振英一人的意思。「立場同埋動機好清楚啦。」他說《星島》記者的提問主要目的是要梁振英尷尬。「個記者喺酒會期間衝出嚟追住問，大聲嗌，根本係想人尷尬，我係梁振英，我都會嬲啦。」
至於同樣支持梁振英的立法會議員黃定光不評論何柱國言論，但由於「何生係呢種脾氣」，故建議梁振英不要與何柱國繼續糾纏。「唔好同佢鬥呢啲嘢（互相指摘），佢拎住傳媒呢個武器攻擊，同佢鬥只會畀佢食住上。」前屋宇署署長鄔滿海也力撐梁振英地說：「相信讀者眼睛係雪亮嘅！」
城大專業進修學院學術統籌宋立功則說，何柱國說的「一鋪清袋」論，明顯帶有針對性抨擊，令人難以不作回應，擔心其言論只會加劇「大道理講得少、小事情講得多」的現象。