花園街排檔去年已經發生過三級大火，但係夕陽政府對檢討排檔消防設施一直闊佬懶理，好不幸上星期再發生大火，釀成九死三十四傷慘劇，一班高官先知燒到埋身，尋日拉隊到立法會做騷解畫，但就冇實質內容。人民力量議員黃毓民就批評佢哋淨係識講自己範疇嘅工作就算數，同公眾一句道歉都冇，實情係「冇問責下台，只有升官發財」咁話。
