港大醫學院外科學系系主任盧寵茂好痛心咁話，公立醫院設備非常落後，即使作為龍頭醫院嘅瑪麗醫院，其手術室設施「連第三世界都不如」，外國醫生嚟到都好驚訝，政府唔肯揼本加強設施，加上公立醫院培訓醫生不足，又不斷被私家醫院挖角，公院氣氛好差，終有一日公院會被拖冧。香港嘅公院原來咁恐怖，如果唔係出自權威之口，仲以為有人喺度講鬼古添呀。
