妻中風癱瘓 排兩年無音訊

【本報訊】「我最困難嘅日子佢(政府)幫唔到我,依家無事再畀位我都唔會要。我淨係希望自己無病無痛,等我可以照顧到太太。」一名年逾八旬長者道出為老伴申請入住院舍的苦況,指兩年前當他的七旬妻子中風入院,導致四肢癱瘓,遂申請日間護理中心,至現時妻子情況好轉,依然杳無音訊,狠批港府對長者生死不聞不問,只有自求多福。

「依家批都唔入」

現年八十六歲的吳兆榮雖然患有心臟病及痛風症,但仍然每天堅持帶同七十四歲的妻子落街做運動。他笑指,比較兩年前,現時已十分「舒服」,因妻子已可自行用膳及如廁。回想當時,妻子中風入院後四肢癱瘓,只能臥病在床,一切均需靠人照顧,吳伯大失方寸,根本不知從何入手。「坦白講,要一個男人照顧女人,梗係唔識點做,仲要佢唔郁得,當時真係好亂。」吳伯惟有申請輪候日間護理中心,希望可分擔照顧的工作,亦可從中學習照顧技巧。

不料一等兩年,妻子病情逐漸好轉,但仍未獲入住院舍。吳伯語帶譏諷說︰「佢批我都唔入啦,貪佢特別好照顧呀?我唔信我照顧差得過啲老人院。」

被問及會否擔心日後身體狀況轉差,未能照顧妻子時,吳伯苦笑說︰「唔諗得咁多,人總係要死,睇得佢一時得一時。」他又指出,邨內多名長者輪候四至五年,仍然未獲入住院舍,部分甚至已經去世,故此他根本對港府不存有任何寄望。

Money18免費即秒股票報價網站現推出8升級功能,財經資訊,實時實發!