閘鎖頻壞石蔭邨民惶恐

公屋鐵閘閘鎖失靈,隨時令居民逃生無門!葵涌石蔭邨接連有住戶發現鐵閘閘鎖無法開啟,更換新閘鎖未幾問題又再浮現,令住戶無不終日提心吊膽。關注團體狠批房屋署跟進不力,漠視居民安全,促全面更換問題閘鎖。

五月至今壞四次

位於葵涌的石蔭邨共有二千六百七十一個單位,重建後於○六年入伙。年逾八旬的阮老太便為居民之一,發現閘鎖故障頻仍,其子不滿地說:「今年五月到依家,個鎖已經先後壞咗四次,次次都開唔到門,有咩事連走都走唔到,有事邊個負責?」阮指房署雖多次更換閘鎖,惟使用未幾即又損壞,懷疑與質素有關。

阮指最近一次壞鎖為九月底,當日需向管理處求助,將鎖匙交予管理員方能由屋外開啟,「阿媽年紀大,萬一有緊急情況開唔到門會好危險,搞到依家都唔敢完全閂晒個鐵閘!」阮曾向房署查詢,獲悉由○九年六月至今年十月,房署曾接獲六十一宗要求維修閘鎖的個案,其中二十五宗需要換鎖,但對閘鎖失靈的原因卻未有清晰交代,只稱使用頻率或使用方法均有影響,「只係開門閂門咁簡單嘅動作,點樣唔正確使用?咁講法係咪要將責任推喺居民身上!」

負責石蔭邨管理的房協發言人回應本報查詢時承認,根據紀錄,屋邨物業服務辦事處今年曾處理十七宗有關單位閘鎖失靈而需更換的個案,所有個案於檢查後兩日內均妥善跟進及完成維修。

發言人又稱,今年五月底首次接獲上述住戶的兒子阮先生投訴單位鐵閘鎖失靈,經外判承辦商檢查後,發現鐵閘有間歇性開關困難,遂於閘鎖噴上潤滑劑,惟因情況未有改善而獲安排更換。其後,阮再次反映新閘鎖亦有問題,外判承辦商及辦事處分別多次派員跟進,經仔細檢查後,確認新閘鎖運作正常,在鐵閘路軌噴上潤滑劑已令開關順暢。

換後仍再三失靈

對於單位曾出現閘匙失靈、及更換閘鎖後再三出現故障是否與設計及質素有關一事,發言人則未有回應。

「唔夠三年已經有幾十單投訴,好明顯壞鎖唔係個別事件!」公屋聯會主席王坤直斥房署「縮骨」,出現問題仍拒作全面檢查,「成日都係壞邊啲就整邊啲,根本冇諗過問題嘅嚴重性!」王認為房署外判工程採「價低者得」原則,或會影響閘鎖質素,促房署盡快作全面檢查,「依家講緊嘅係居民出入安全嘅問題,唔係講笑,唔排除仲會陸續有單位壞鎖!」

記者:徐少琴

「Money18免費即秒股票報價網站」現推出8升級功能,財經資訊,實時實發!