泛民主派喺區議會選舉慘敗，公民黨同民主黨先後將責任歸咎於人民力量及社民連嘅狙擊及議會暴力行為，大家聲言自此再無合作空間。人民力量黃毓民尋日繼續喺電台節目上話，將區選落敗歸咎於暴力行為，係荒謬同幼稚；而民主黨主席何俊仁又喺另一電台節目上，叫社民連同人民力量停止人身攻擊，總之好似細路仔嗌交咁，互罵對方不是，大家係咪要自我反省先呢？
