商務及經濟發展局局長蘇錦樑（Greg蘇）最近忙於搞《競爭條例草案》，佢為咗立法會通過草案，惟有作出讓步，搞到建議修訂嘅草案畀人話係冇牙老虎。為乜要急急推《競爭法》呢？智庫獅子山學會行政總監王弼就踢爆話，《競爭法》其實係Greg蘇嘅連任工程。皆因條法例一通過，一定好多跟尾工作要做，咁佢就有藉口賴死唔走啦，否則就算有功績都未必可以留任喎。
