發展局就維港以外填海及發展岩洞展開為期三個月諮詢，發展局局長林鄭月娥尋日出席啟動禮時硬銷適量填海好處多籮籮，唔單止可以增加土地儲備，仲可以處理本港大部分嘅淤泥同填料，節省處理廢料嘅費用，所以社會唔應該將填海妖魔化喎。
林鄭又批評嗰啲淨係接受喺香港以外填海嘅人不負責任，又話開發土地要多元化先可以有持續發展。講到填海咁好，唔知佢係咪想填咗成個維港！
