話說網上尋日流傳一段兒童節目短片，片中一開始就交代舊班長小慧因為搬家轉校，令班長之位空缺而要選出新班長，此時小璇同學即刻企起身話，自己上次以幾票之差輸咗畀小慧，依家小慧辭咗職，班長之位應該由佢接替喎。正當小璇以為「替補」成功之際，譚玉瑛姐姐突然入咗班房，話要重新選過班長。
有同學於是質疑點解唔係由上次第二高票嘅候選人替補呢？譚玉瑛姐姐即時曉以大義話，呢個做法唔係太好，因為每個同學喺每次選舉嘅想法都唔同，所以結果自然唔同，重選先係最公平喎！所以話呢，上樑不正下樑歪，港府搞替補機制連小朋友都教壞埋，以為替補就搞掂，確係誤人子弟。