政情：女童軍周年宴 洋溢幸福

香港女童軍尋晚喺灣仔會展大搞九十五周年晚宴，筵開逾九十五席，場面墟冚。人逢喜事精神爽，香港總監彭徐美雲有老公彭曉明同囝囝彭穎生（Victor）齊齊捧場，彭氏夫婦更輕輕擁抱加親親面頰，大晒恩愛。名譽副會長兼籌委會主席郭羅桂珍同莎莎老闆郭少明兩公婆更加笑不攏嘴，原來佢哋就快抱孫，事關囡囡郭詩慧（Melody）懷孕四個月，卓妮都戥佢開心。
彭徐美雲（右二）有老公彭曉明（右）同囝囝彭穎生（左一）捧場。左二係名譽副會長陳曦齡。（羅錦鴻攝）
彭徐美雲（右二）有老公彭曉明（右）同囝囝彭穎生（左一）捧場。左二係名譽副會長陳曦齡。（羅錦鴻攝）

卓妮喺現場見Melody心廣體胖又靚咗，佢甜絲絲承認有喜，但未知係仔定女，因為照過一次鏡睇唔清楚，遲啲會同大家交代喎。不過，佢話男嘅可以陪爸爸騎馬，女嘅可以扮靚靚，點都開心，仲話第時會畀仔女參加女童軍添！佢又話，有咗之後重咗十幾磅，皮膚乾咗，頭痛又易攰，惟有少啲去活動，多啲休息，閒時喺屋企聽吓音樂，睇吓育嬰書，實行胎教咁話。

邀多國成員似服裝party

不過，Melody話絕對唔擔心第時生咗BB之後會唔識湊，因為媽咪同嫲嫲已經爭住湊。今次女童軍特別請來亞太區之友，唔少來自日本、韓國、馬來西亞等地嘅女童軍，個個着住各地民族服裝嚟湊熱鬧，好似開民族服裝party咁。

右起：郭羅桂珍、蔡李惠莉、邱吳惠平等高興合照。
  • 右起：郭羅桂珍、蔡李惠莉、邱吳惠平等高興合照。
邱達昌兩位千金（左及右）執到靚一靚出席女童軍晚宴。
  • 邱達昌兩位千金（左及右）執到靚一靚出席女童軍晚宴。
郭詩慧懷孕四個月，佢話仲未知仔定女。
  • 郭詩慧懷孕四個月，佢話仲未知仔定女。

卓妮

「Money18免費即秒股票報價網站」現推出8升級功能，財經資訊，實時實發！