政情：張文那些年辣興老婆
近期「那些年」三個字熱爆台港，好多人都特別回味青春嘅難忘往事，教育界立法會議員張文光（張文），就憶起同太太喺大學時相識、相戀嘅經歷，點滴在心頭。
電影女主角有一幕個頭紮住馬尾行過，令到一眾男生暈得一陣陣。張文憶述，當年佢見到張太都係紮住馬尾，又係被吸引住，但由於兩個人分別就讀唔同學系，所以當張文知道張太副修中文時，佢即時二話不說報修同一科，最後喺朝夕相對下成功追到張太。
不過，男女相戀都唔係順風順水，張文曾經激到佢太太喪鬧佢。話說張文有次放假期間掛住到內地遊玩，唔記得交上學期嘅論文，當時張文惟有打番香港向張太求救，搞到張太要做「槍手」，將佢過去寫過嘅文章拼貼成為論文，好在老師畀佢合格，否則浪費張太一番心血。