警方執法危害單車客
警方於單車徑上執法不設路障，被指罔顧安全。劉先生日前踏單車駛經粉嶺碧湖花園天橋時，赫見兩名警員於單車徑上踱步，附近並放置一堆器材，但卻無豎立任何標示，「嗰兩個警察又冇着反光衣、又唔放雪糕筒，搞到我差啲收唔切掣撞埋去！」劉向警員查詢才獲覆「警察要用一條單車線做嘢」，並示意駕駛者使用右線，「我問佢使唔使落車推，佢哋居然答『唔使』，由得啲單車對頭撞！」
警方發言人表示，當日警員正於上址執行雷射槍偵速行動，承認期間或對部分騎單車人士造成不便，又表示會研究於執行行動時加設提示，以提醒道路使用者。
「警方成日叫市民踩單車時要注重安全，但自己就可以用一句『警察做嘢』做理由咩都唔理，放個牌都懶，真係好離譜！」劉先生對於警方以執法為由罔顧市民安全極為不滿，促當局檢討。