政情：反斗奇兵 聖誕玩轉海港城
九倉旗下嘅海港城，喺嚟緊聖誕特別熱鬧，今年會搞「反斗聖誕總動員@海港城」，成個商場會充滿住胡迪、翠絲、玩具兵團同抱抱龍等城中好受歡迎嘅反斗奇兵玩具主角。海港城聖誕布景策劃人SK Lam話，今次布景會令大家如置身玩具派對中。
易志明帶學生遊九倉
九倉每年都會搞德國啤酒節，今年已經踏入第二十年，舊年入場人次仲超過四萬添。不過九龍倉集團董事易志明（Frankie）最近最投入嘅，係安排中學生嚟九倉參觀，了解集團不同嘅業務及前線同幕後嘅運作。
Frankie話，參觀活動係由九倉同中大教育研究所合辦，主要係安排較容易走歪路嘅初中學生嚟參觀，九倉旗下業務範疇包括酒店、電訊同商場等，學生可以去唔同嘅業務範疇同唔同崗位嘅員工交流，等佢哋了解所有業務前線同幕後係點運作。因為太忙，所以連旅行都唔得閒去。