香港大學校長徐立之突然宣布唔續約，有傳係因為佢將港大「8‧18」事件嘅責任推畀警方，搞到校務委員會主席梁智鴻要出手勸退佢。徐立之尋日現身交代詳情，竟然搬出自己嘅遺傳學老本行做理由，話健康嘅機構就要更生替換，呢個係佢唔續任嘅唯一原因，當中並無受到政治壓力。如果「更生替換」都可以作為離開嘅理由，咁學術界、政圈內好多人都要執包袱走人喇。
